Футбол бўйича Германия бундеслигасида 31-тур учрашувлари тўлиқ якунланди.
Европа Чемпионлар Лигасининг 2015/16 йилги мавсумида иштирок этган Мюнхенгладбахнинг «Боруссия» клуби турнир жадвалида 5-ўринга кўтарилиб олди. Бу йўлда Андре Шуберт жамоаси «Хоффенхайм»ни 3:1 ҳисобида мағлуб этди.
Чемпионлар Лигасига йўлланма берувчи сўнгги — тўртчи ўринни Берлиннинг «Герта» клуби 49 очко билан эгаллаб турибди. «Боруссия Мюнхенгладбах» ҳисобида эса эндиликда 48 очко мавжуд.
30 апрель куни «Герта» 32-турнинг марказий ўйинида «Байер» меҳмони бўлади. Мюнхенгладбах» клуби эса «Бавария» чемпионликни нишонлаши кутилаётган ўйинни Allianz Arena’да ўтказади.
31-турдан кейин «Майнц» клуби ҳам очколари сонини 48 тага етказиб олиши мумкин эди. Бироқ жамоа 17-ўринда бораётган Франкфуртнинг «Айнтрахт» клубидан енгилди. Натижада франкфуртлик мухлисларда Бундеслигада жон сақлаб қолиш умиди яна пайдо бўлди.
Германия Бундеслигаси 31-тур беллашувлари 24 апрель, якшанба
Изоҳ (0)