Футбол бўйича Ўзбекистон Олий Лигасида 4-турнинг 9 апрель санасига тайин қилинган беллашувлари ўз якунига етди.
Дастлабки уч турда рақибларига имкониятни бой берган «Андижон» водий дербисида «Нефтчи» устидан зафар қучди — 2:1. Беллашувда ҳисоб фарғоналик футболчилар томонидан очилганига қарамай, «Нефтчи» ғалабани ҳам, кейинроқ дурангни ҳам сақлаб қола олмади.
«Олмалиқ» клуби ҳам дастлабки уч турнинг барчасида рақибларидан енгилганди. Тошкент вилояти дербисида «Металлург»ни қабул қилган Игорь Шквирин жамоаси мавсумдаги биринчи 3 очкосини қўлга киритди.
Қизиқ томони, 49-дақиқага келиб бош ҳакам «Олмалиқ» футболчисини иккинчи сариқ карточка эвазига майдондан четлатди. Мезбонлар бир киши бўлиб қолганидан сўнг, «Металлург» дарвозаси икки бор ишғол этилди. Бекобод клуби бунга қадар ўтказилган 3 та турда 9 очко ишлашга муваффақ бўлганди.
Турнинг қолган ўйинлари 10—11 апрель кунлари бўлиб ўтади.
Олий Лига 4-тур беллашувлари 9 апрель, шанба
«Андижон» — «Нефтчи» 2:1
Голлар: Отабек Исроилов, 23 (0:1). Алишер Шоғуломов, 25 (1:1). Анвар Бердиев, 66-пен (2:1).«Олмалиқ» — «Металлург» 2:0
Голлар: Дониёр Исмоилов, 64 (1:0). Фарҳод Тожиев, 83 (2:0).Четлатиш: Раҳматилло Бердимуродов, 49 (О).«Қўқон—1912» — «Бухоро» 0:1
Гол: Саломат Қутибоев, 78 (0:1).«Машъал» — «Навбаҳор» 2:1
Гол: Шаҳзод Шайманов, 45 (1:0). Дилшод Жабборов, 70 (1:1). Зафар Тўраев, 76 (2:1).«Обод» — «Қизилқум» 2:2
Голлар: Илҳом Юнусов, 13-пен (0:1). Павел Соломин, 25 (1:1). Шохруз Норхонов, 57 (2:1). Файзулла Қамбаров, 86 (2:2).10 апрель, якшанба«Шўртан» — «Бунёдкор»«Сўғдиёна» — «Локомотив»
11 апрель, душанба«Пахтакор» — «Насаф»
Изоҳ (0)