Британиялик мусиқачи ва бастакор Кит Эмерсон 10 март, пайшанба куни ўз жонига қасд қилди. Бу ҳақда Reuters агентлиги маълумотига таяниб, «РБК» хабар беради.
Эмерсоннинг жасади 11 март, жума куни тонгда унинг уйидан топилган. У бошига битта ўқ узган. Полиция уни ўз жонига қасд қилган деган хулосага келди.
Унинг ўлими ҳақида Emerson, Lake & Palmer гуруҳи маълум қилган. Эмерсон ушбу гуруҳ асосчиларидан бири эди. Хабарда маълум қилинишича, у АҚШнинг Санта-Моника шаҳридаги уйида вафот этган.
Эмерсон 1944 йилда Англияда дунёга келган. У 1967 йилнинг майида The Nice гуруҳига асос солган эди. 1970 йилда эса Карл Палмер ва Грэг Лэйк билан ҳамкорликда Emerson, Lake & Palmer (ELP) гуруҳини тузган.
Изоҳ (0)