АПЛ, 29-тур. «Лестер» сафарда «Уотфорд»ни мағлуб этди ва пешқадамликни мустаҳкамлаб олди

Англия Премьер-лигаси кашфиётига айланган «Лестер» клуби 29-тур доирасида «Уотфорд» жамоаси меҳмони бўлди. Учрашув «Лестер»нинг 1:0 ҳисобидаги  ғалабаси билан якунланди, деб хабар беради «Stadion.uz».

Учрашувдаги ягона голга 56-дақиқада меҳмонлар ярим ҳимоячиси Маҳрез муаллифлик қилди. Навбатдаги ғалабадан сўнг «Лестер» очколар сонини 60 тага етказиб, пешқадамликни сақлаб қолди.

Клаудио Раньери жамоаси турнир жадвалидаги энг яқин таъқибчиси «Тоттенхэм»ни 5 очкога ортда қолдиряпти. «Уотфорд» 37 очко билан 12-поғонани банд қилиб турибди.

Англия чемпионати, 29-тур

«Уотфорд» – «Лестер» 0:1 (0:0)

«Уотфорд» – Гомес, Холебас, Предль, Ньом (Анья, 82), Уотсон, Аке, Капу (Уларе, 88), Суарес (Абди, 65), Амрабат, Дини, Игало.

«Лестер» – Шмейхель, Морган, Фукс, Симпсон, Хут, Канте, Дринкуотер, Олбрайтон (Шлупп, 46), Маҳрез (Амарти, 85), Варди, Оказаки (Кинг, 46).

Огоҳлантиришлар: Амрабат (29), Аке (58), Фукс (74), Морган (90).