Рим папаси Франциск «Қуёш ортида» (Beyond the Sun) оилавий саргузашт фильмда ўзини ўзи ўйнайди. Бу ҳақда Variety хабар беради.
Католик черковининг раҳбари бадиий фильмни суратга олиш жараёнида илк бор иштирок этади. Картинанинг устида иш жараёни Италияда 2016 йилнинг биринчи ярмида бошланади.
Нашрнинг таъкидлашича, папа Францискнинг ўзи кинематографиячилардан болаларга Исо Масиҳнинг хабарини тушунтириши мумкин бўлган фильмни яратишни сўраган. Фильм сценаристи Грасиэла Родригеснинг ғоясига кўра, фильмнинг бош қаҳрамонлари апостолларни ифодаловчи болалар бўлади.
Фильм прокатидан тушган даромадни хайрия учун бериш режалаштирилмоқда.