Тошкент шаҳрида Ватан ҳимоячилари байрами доирасида «Таянчим ва суянчим, фахру ифтихоримсан, муқаддас Ватан!» шиори остида кенг қамровли Ёшлар мусиқий фестивали бўлиб ўтди.
Касб-ҳунар коллежлари ва академик лицей ўқувчилари, пойтахт олий ўқув юртларининг талабалари, ҳарбийлар ва уларнинг оила аъзоларидан иборат томошабинларда мазкур тадбир катта таассурот қолдирди.
Томошабинларга армия қудрати, унинг халқ билан бирлиги, ҳарбийларнинг мард ва жасурлиги, қатъиятлилиги, ҳарбий қасамёдга содиқлиги, ватанпарварлиги акс эттирилган Қуролли Кучлар таркибига кирувчи органлар бадиий жамоаларининг театрлаштирилган саҳна кўринишлари, адабий-мусиқий чиқишларидан иборат дастур намойиш этилди.
Изоҳ (0)