Ҳайратланарли ва ақлбовар қилмас япон модаси Кунчиқар юртни қарама-қаршиликлар мамлакатига айлантиради, деб ёзади TravelAsk.
Япония кўчаларида сайр қиларкансиз, умуман ақлга сиғмайдиган, фантастик либослардаги турли-туман одамларни учратасиз.
Олдингизда пайдо бўлган кимсанинг кийимига қараб: «Бундан-да ғалатироқ либос бўлиши асло мумкин эмас!», — деб ўйлашингиз билан, ундан кейинги япониялик бу фикрингизни чилпарчин қилиб, янада оригиналроқ либосда намоён бўлади.
Умуман олганда, бу ерда гап фақат либосда эмас.
Макияж, соч турмаги ёки қандайдир ажиб либос бўладими, фарқи йўқ — японияликлар буларнинг ҳар бирини жуда синчиковлик билан, энг кичик деталларига ҳам аҳамиятга берган ҳолда танлайди.