Бухарест тунги клубида 31 октябрь куни юз берган ёнғин қурбонлари сони 50 нафарга етди, деб хабар беради «Европейская правда».
10 ноябрь, сешанба куни тунда 18 ёшли қиз Елена Ниту ҳалок бўлди. У Ливерпулдаги шифохонага самолётда етказилган эди. Ёнғиндан сўнг, у танаси ва нафас йўлидаги кучли куйиш билан шифохонага ётқизилган эди.
11 ноябрь, чоршанба куни Британия шифохонасида 19 ёшли Роберто Энди ҳалок бўлди. Британияга 8 ноябрь, якшанба куни жами тўққиз нафар жабрланган етказилган эди.
Ёнғиндан жабрланган 76 киши Бухарест шифохоналарида бўлиб, улардан 24 нафарининг аҳволи оғир.
Эслатиб ўтамиз, аввалроқ Бухарестдаги тунги клубда рўй берган ёнғин қурбонлари сони 48 кишига етганлиги маълум қилинган эди.