14 август куни нафас олишдаги муаммолар туфайли шифохонага ётқизилган Ҳиндистон президенти Пранаб Мукержининг рафиқаси Сувра Мукержи 18 август куни вафот этди, деб хабар бермоқда «РИА Новости».
«Чуқур қайғу билан шуни маълум қиламизки, биринчи хоним Сувра Мукержи бугун эрталаб вафот этди. У бу дунёни соат 10:51 да (Тошкент вақти билан 10:21 да) тарк этди», — дейилади Ҳиндистон президенти котибиятининг расмий хабарида.
Сувра Мукержи 1940 йил 17 сентябрь куни ҳозирги Бангладеш ҳудудидаги Жессор шаҳрида туғилган бўлиб, Ҳиндистоннинг амалдаги президенти Пранаб Мукержига 1957 йил 13 июлда турмушга чиққан.
Изоҳ (0)