Покистонда беш нафар қотилликда айбланган маҳбус қатл этилди, деб хабар беради «РИА Новости».
Ҳукм Панжоб вилоятининг икки қамоқхонасида амалга оширилди. Ўлим жазосига маҳкум этилган беш кишидан икки нафари ўғирланган талаба учун гаров пули ундира олмагач, уни ўлдирганликда айбланган. Маҳбуслардан яна бири аёл киши ва беш нафар болани ўлдирганлиги учун жазога тортилган.
Покистон ҳукумати муқаддас Рамазон ойи муносабати билан ўлим жазосининг ижросини тўхтатиб турган эди. Ийд ал-Фитр байрамидан сўнг у яна йўлга қўйилди, шу тариқа Рамазон ойи тугагандан буён Покистонда 15 киши қатл этилди.