Facebook асосчиси Марк Цукерберг Арнольд Шварценеггернинг саволига жавоб бера туриб, ўзининг спорт машғулотлари тартиби ҳақида сўзлаб берди. Калифорниянинг собиқ губернатори ва Терминатор роли ижрочиси Цукербергга унинг ижтимоий тармоқдаги саҳифасида ўтказган бир соатлик конференциясида савол билан мурожаат қилди.
Цукербергнинг сўзлаб беришича, у ҳафтасига камида уч марта, асосан тонг чоғида спорт билан шуғулланади. Қулай имконият пайдо бўлган заҳоти ити билан югуришга чиқади.
Шварценеггер ўз шарҳларида ҳеч ким спорт билан шуғуллана олмайдиган даражада банд бўлиши мумкин эмас, ҳатто президентлар ва Рим Папаси ҳам жисмоний машқлар учун вақт топади, деб таъкидлади. «Сен дунёдаги энг банд одамлардан бири ҳисобланасан ва ёш авлод Рим Папасидан кўра, кўпроқ сендан намуна олади», — деб қўшимча қилди актёр.
Изоҳ (0)