Windows 10’нинг еттита варианти чиқарилади, Windows Phone’нинг эса номи ўзгаради

Microsoft корпорацияси Windows 10 операцион тизимининг истеъмолга чиқариладиган барча версияларининг номлари ва хусусиятларини эълон қилиб, Windows Phone’нинг номини ўзгартирди, деб хабар бермоқда «Tjournal.ru».

Янги операцион тизимнинг Windows 10 Home (уй учун), Windows 10 Pro (профессионаллар учун), Windows 10 Enterprise (корпоратив тизим), Windows 10 Education (таълим учун),  Windows 10 Mobile (Windows Phone’нинг янги номи), Windows 10 loT Core (саноат ва савдо ускуналари учун) каби еттита версияси бўлади.

Windows 10’да янги Microsoft Edge браузери, Windows Hello юзни таниш тизими, смартфонни монитор ёки телевизорга улаб, уни компьютерга айлантириш имконини берувчи Continuum функцияси бўлади. Янги тизим 2015 йил ёзида 190 мамлакатда 111 та тилда чиқарилиши кутилмоқда.