Амбулаторияда даволанишда имтиёзли таъминлаш учун мўлжалланган дори воситаларининг рўйхатига саккизта янги препарат қўшилди, деб хабар бермоқда «Газета.uz».

Дори воситалари фақатгина ўзгалар парваришига муҳтож ёлғиз пенсионерлар, 1941—1945 йиллардаги уруш ногиронлари ва қатнашчилари, шунингдек 1941—1945 йиллардаги меҳнат фронти қатнашчиларини таъминлаш учун мўлжалланган.

Рўйхатга «Пентоэритритил тетранитрат», «Спиринолактон», «Пирацетам», «Пентоксифиллин», «Эмоксипин», «Амброксол», «Глимеперид», «Финастерид» номли дори воситалари киритилди. Ўзгартишлар «Кексаларни эъзозлаш йили» давлат дастури доирасида Соғлиқни сақлаш ва Молия вазирликларининг қўшма қарори билан қабул қилинди.