Олий лиганинг 1-туридан ўрин олган учрашувда Бекободда «Металлург» жамоаси Тошкентнинг «Локомотив» клубини қабул қилди. Бу ҳақда «Uff.uz» хабар бермоқда.
Ўтган ҳафтада Ўзбекистон Суперкубоги учун кечган учрашувда «Пахтакор»ни 4:0 ҳисобида мағлуб этган «темирйўлчилар» бу ўйинда рақиб дарвозасига йўл топа олмади. Ўз ўрнида «Металлург» жамоаси ҳам рақиб дарвозасини ишғол қилолмади.
Шу тариқа, Вадим Абрамов шогирдлари чемпионатнинг дастлабки ўйинида сафарда нурсиз дуранг қайд этди.
Олий лига, 1-тур
«Металлург» — «Локомотив»: 0:0
«Металлург»: Суҳроб Султонов, Ҳикмат Ҳошимов , Дилмурод Каримов, Дониёр Одилов, Даврон Каримқулов, Жавлон Miraбдуллаев, Мирғиёс Сулаймонов, Муроджон Тошматов, Миртўра Акбаров, Саиджон Абдужабборов, Шаҳзодбек Нурматов.
«Локомотив»: Маъмур Икромов, Салим Мустафоев, Неманя Яничич, Ислом Тўхтахўжаев, Шавкат Муллажонов, Сардор Мирзаев, Марат Бикмаев, Лутфулло Тўраев, Жасур Ҳасанов (кичик), Санжар Шоаҳмедов, Алишер Шоғуломов.
Изоҳ (0)