Исроил махсус хизмати «Моссад» Эроннинг ядро қуроли яратиш арафасида эканлигини тасдиқловчи ҳеч қандай далил топмади, деб ёзади Meduza махфий дипломатик ҳужжатларга таяниб.
«Моссада» ҳисоботида айтилишича, Эрон уранни бойитиш соҳасида фаол иш олиб бораётган бўлса-да, Теҳроннинг ядро қуроли ишлаб чиқаришга тайёргарлик кўраётганидан дарак берувчи ҳеч қандай далил аниқланмаган.
Исроил махсус хизматининг ҳисоботида 2012 йил октябрь санаси кўрсатилган бўлиб, у Жанубий Африка Республикаси махсус хизматларига жўнатилган бўлган. Унда шунингдек, Эроннинг уранни ядро бомбаси учун зарур даражагача — 90 фоизгача бойитишга қодир эмаслиги айтилади.
2012 йил кузида Исроил бош вазири Биньямин Нетаньяху БМТга Теҳроннинг уранни бойитиш даражасини оширишга ҳаракат қилаётгани ва тез орада ядро қуроли яратишини маълум қилган эди.
Изоҳ (0)