2015 йилнинг 6 февраль куни «Ucell−Бухоро» офиси ўзининг 15 йиллигини нишонлади! Бу компания ҳаётида муҳим ҳодиса бўлиб, ушбу кун офисга ташриф абонентларни учун ҳақиқий байрамга айланди! Таъкидлаш жоизки, Ucell-Бухоро» офиси 2000 йилда очилган бўлиб, бугунги кунга келиб кунига 500 тагача мижозга хизмат кўрсатиб келмоқда.
Абонентларга хизмат кўрсатиш офиси узоқ 15 йиллик йўлни босиб ўтиб, ўз мижозлари билан қулай алоқа сари навбатдаги қадамни ташламоқда ва Ucell алоқасидан бир неча йиллар давомида фойдаланиб келганлар учун янги имкониятлар тақдим этмоқда. Компания хизматларига уланиш, алоқа хизматлари учун тўлов, компания хизматларига алоқадор исталган масала юзасидан офис ходимларининг профессионал маслаҳатлари − буларнинг барчаси абоненетларга дўстона ёндашув билан тақдим этилмоқда.
Бу кун компаниядан қимматбаҳо мукофотларни қўлга киритган «Ucell билан орзулар сари» акцияси ғолиблари учун ўзгача бўлди.
«Ucell−Бухоро» минтақавий бўлинмаси бошлиғи Меҳриддин Муҳамедов ғолибларга қимматбаҳо мукофотлар ва 50 миллион сўмлик сертификатни тантанали равишда топширди.
«Фурсатдан фойдаланиб, Бухоро шаҳри абонентларини бундай муҳим воқеа билан табриклайман. Биз чўққиларни айнан абонентларимиз билан ёнма-ён туриб забт этамиз. Компания ривожланмоқда ва кўплаб янги хизматлар аҳоли ҳаётини янада осонлаштириб, бир-бирига яқинлаштирмоқда. Айнан Бухоро вилояти аҳолиси акцияларимизда фаол иштирок этиб, ғолиб бўлаётгани ва қимматбаҳо мукофотларни қўлга киритаётганини қайд этишдан мамнунман», − деди «Ucell−Бухоро» минтақавий бўлинмаси бошлиғи Меҳриддин Муҳамедов.
«Офиснинг 15 ёшга тўлиши Бухоро аҳолиси учун ҳақиқий байрам бўлди десак, муболаға бўлмайди. Соғлиғим сабаб Тошкентда бўлиб ўтган кўрсатувга кела олмадим. Бироқ, ушбу сертификатни она шаҳримда олиш имкони борлигини хабар қилишганида, жуда қувондим! «Ucell билан орзулар сари» акцияси доирасида менинг орзуим ушалди, энди ўғлимни уйлантириб, унга квартира сотиб олиб бермоқчиман! Шунингдек, болалар уйида тарбия олаётган болажонлар учун катта палов тайёрлаб, уларга совғалар улашмоқчиман! Ucell’га ўз миннатдорчилигимни билдираман!», − деди «Ucell билан орзулар сари» акцияси доирасида 50 миллионлик сертификат ғолибаси Саидова Манзура Обидовна.
«Ucell ўз мижозлар учун доимо қайғуради! Бухородаги офисда доим керакли саволларга тезкор равишда жавоб олиш мумкин! Бу мен учун жуда муҳим! Акциянинг барча иштирокчиларига омад тилаб, Ucell компаниясига совға учун миннатдорчилик билдирмоқчиман», − деди «Ucell билан орзулар сари» акциясининг ғолибаси Қодирова Санобар Арзиевна.
Байрам куни «Ucell−Бухоро» офисига ташриф буюрганлар компаниядан кўплаб совғалар ва сюрпризларни қўлга киритди.
Бугунги кунда компания республика бўйлаб Европа сифат стандартларига жавоб берувчи 20 дан ортиқ ўз офисларига эга.
Ucell Компаниясининг абонентлик базаси доимий равишда ортмоқда, тармоқ географияси бутун республика бўйлаб кенгаймоқда. Бугунги кунда Ucell 8,5 миллиондан ортиқ абонентларга хизмат кўрсатиб, улар кундалик ҳаётининг ажралмас қисмига айланган. Компания мамлакатимиз иқтисодий фаровонлиги ва жамиятнинг ижтимоий ривожига ҳисса қўшиш ниятида самарали фаолият юритмоқда.
Изоҳ (0)