Ucell мобил алоқа оператори абонентларига қўшимча қулайликлар яратиш мақсадида хорижий давлатларнинг мобил алоқа компаниялари билан фаол ҳамкорликни амалга оширмоқда. Хорижлик шериклар билан ҳамкорлик яқин ва узоқ хориж мамлакатларида бўлиб турган Ucell абонентлари учун арзон ва сифатли алоқани таъминлаш имконини беради.
Ucell мобил алоқа оператори Саудия Арабистони роуминги нархларини Умра вақтида саккиз бараварга пасайтирмоқда. Махсус акция февраль ойида Саудия Арабистонига сафар қилишни режалаштирган Ўзбекистон фуқароларига, шунингдек ушбу ойда Умра зиёратини амалга оширадиган фуқароларга мўлжалланган.
Ucell Макка шаҳрига кичик ҳаж − Умра зиёратини амалга оширадиган ўзбекистонликлар яқинлари билан доимий алоқада бўлиб туришларини таъминлаш мақсадида махсус акцияни йўлга қўяди. Аввал Саудия Арабистонидан дунё мамлакатларига чиқиш қўнғироғининг бир дақиқаси 8,40 доллар турган бўлса, энди Mobily тармоғида бундай қўнғироқнинг бир дақиқаси атиги 1 долларга тенг бўлади. Шунингдек, интернет ва SMS-хабарлар хизматларидан фойдаланиш учун ҳам чегирмалар таклиф қилинган.
«TeliaSonera глобал оиласининг бир қисми ҳисобланган Ucell компанияси ўз фойдаланувчиларининг кўп томонлама манфаатларини ҳисобга олади. Аввалроқ шундай таклиф муқаддас ҳаж зиёратини амалга оширувчилар учун тақдим этилганди. Умра зиёратини амалга оширувчи мижозларнинг алоҳида ёндашув стратегиясига амал қилган ҳолда нархлар 8 мартагача туширилди! Умид қиламизки, хорижда бўлиб турган вақтда уй билан доимий алоқада ва яқинлари билан доимий мулоқотда бўлиш имконияти уларнинг яқинлиги ва қўллаб-қувватлашини ҳис қилиш имконини беради», − деди Ucell компаниясининг Бизнесни илгари суриш департаменти директори Алишер Ҳамидов.
Акция даврида кирувчи ва чиқувчи қўнғироқларнинг бир дақиқаси ва 1 Мб интернет 1 доллар, SMS хабарлар эса 0,10 долларни ташкил этади. Махсус роуминг хизматидан фойдаланиш учун абонентлар Саудия Арабистонига етиб боришлари билан маҳаллий Mobily оператори тармоғида рўйхатдан ўтишлари лозим. Ucell акцияси 28 февралгача давом этади.
Реклама ҳуқуқлари асосида.
Изоҳ (0)