Дунёнинг энг ҳурмат қилинувчи аёллари рўйхатида Голливуд актрисаси Анжелина Жоли биринчи ўринни эгаллади, деб хабар бермоқда YouGov.
Голливудда энг юқори ҳақ тўланадиган актриса сифатида танилган Анжелина Жоли гуманитар ёрдам кўрсатишда ҳам ном чиқарди. Жумладан, у 2012 йилдан БМТнинг Қочоқлар иши бўйича олий комиссияси махсус вакили сифатида фаолият кўрсатишни бошлади.
Рўйхатда иккинчи ўринни Нобель мукофоти совриндори Малала Юсуфзай эгаллади. АҚШ собиқ давлат котиби Ҳиллари Клинтон эса учинчи ўринда турибди.
Дунёнинг энг ҳурмат қилинувчи аёллари рўйхатини Буюк Британия қироличаси Елизавета II, АҚШ президенти турмуш ўртоғи Мишель Обама, қўшиқчи Селин Дион, америкалик телебошловчи Опра Уинфри, актриса Жулия Робертс кабилар давом эттирди.
Германия канцлери Ангела Меркелга эса 10-ўрин насиб қилди.