Ўзбекистон ФИФА рейтингида уч поғона юқорилади

ФИФА миллий терма жамоаларнинг декабрь ойи учун янги рейтингини маълум қилди. Унга кўра Ўзбекистон миллий терма жамоаси ўтган ойга нисбатан уч поғона юқорилашга ва 71-ўринни эгаллашга муваффақ бўлган, деб хабар беради «Uff.uz».

Умумий рейтингда ҳамон Германия терма жамоаси етакчилик қилмоқда. Иккинчи ўрин Аргентина терма жамоасига тегишли бўлиб турибди. Учинчи ўринда эса Колумбия терма жамоаси бормоқда.

Осиё қитъаси бўйича Эрон терма жамоаси ҳамон пешқадамлик қилиб келмоқда. Эронликлар 51-ўринни банд қилган. Шунингдек, Япония терма жамоаси 54 ва Жанубий Корея 69-ўринда бормоқда. Ўзбекистон миллий терма жамоаси қитъада тўртинчи поғонани эгаллаб турибди.

Миллий терма жамоаларнинг декабрь ойи учун янги рейтинги:

1. Германия — 17252. Аргентина — 15383. Колумбия — 14504. Бельгия — 14175. Нидерландия — 13746. Бразилия — 13167. Португалия — 11608. Франция — 11609. Испания — 114210. Уругвай — 1135

ОФК бўйича

51. Эрон — 588...54. Япония — 563......69. Жанубий Корея — 487......71. Ўзбекистон — 464...80. БАА — 408......92. Қатар — 34793. Уммон — 34693. Иордания — 346......96. Хитой — 339......100. Австралия — 329