Россиялик теннисчи Мария Шарапова дунёнинг энг бой аёл спортчиси деб топилди

Россиялик ракетка устаси Мария Шарапова таниқли Forbes журналининг йиллик якунларига кўра, яна дунёнинг энг бой аёл спортчиси деб тан олинди, деб хабар бермоқда «Uff.uz».

Шарапова бу борада америкалик ҳамкасби Серена Уильямсни яна бир марта ортда қолдирди. Умуман олганда, Forbes рўйхатида жами уч нафар аёл бор бўлиб, уларнинг бари теннисчидир. Мария Шарапова қатори, Серена Уильямс ва хитойлик ракетка устаси Ли На ҳам «бойвучча»лар сирасида эътироф этилган.

Мария Шарапова йил давомида умумий миқдорда 24,4 миллион доллар даромадга эга бўлди. У 2,4 миллион долларга тенг маблағни теннис кортларидаги ғалабалар эвазига ишлаб топган. Даромаднинг қолган асосий миқдори эса рекламалар ва ҳомийлик шартномалари маҳсулидир.

Жаҳоннинг энг бой спортчилари:

1. Флойд Мэйвезер (бокс) — 105 миллион
2. Криштиану Роналду (футбол) — 80 миллион
3. Леброн Жеймс (баскетбол) — 72,3 миллион
4. Лионель Месси (футбол) — 64,7 миллион
5. Коби Брайант (баскетбол) — 61,5 миллион
6. Тайгер Вудс (гольф) — 61,2 миллион
7. Рожер Федерер (теннис) — 56,2 миллион
8. Фил Микельсон (гольф) — 53,2 миллион
9. Рафаэль Надаль (теннис) — 44,5 миллион
10. Метт Райан (америкача футбол) — 43,8 миллион

1. Бейсбол — 27 нафар;
2. Баскетбол — 18 нафар;
3. Америкача футбол — 17 нафар;
4. Футбол — 15 нафар;
5. Теннис — 6 нафар;
6. Автопойга — 6 нафар;
7. Гольф — 5 нафар;
8. Бокс — 4 нафар;
9. Крикет — 1 нафар;
10. Енгил атлетика — 1 нафар.