«Барселона» ҳужумчиси Лионель Месси Европа Чемпионлар лигаси 5-тури доирасида сафарда «Апоэл» дарвозасини уч маротаба ишғол этди ва бу мусобақадаги унинг хет-триклари сони 5 тага етди, деб хабар бермоқда «Stadion.uz».
Маълумот ўрнида, ҳозиргача ҳеч бир футболчи Европа Чемпионлар лигаси ўйинларида 3 тадан ортиқ хет-трик қайд этмаган.
Эслатиб ўтамиз, Лионель Месси «Апоэл»га қарши ўйинда яна бир ажойиб рекорд соҳибига айланди. Аргентиналик ҳужумчи Чемпионлар лигаси баҳсларидаги голлари сони бўйича афсонавий Раулнинг рекордини (71 та гол) янгилади. Месси «Апоэл»га қарши ўйинда Европа Чемпионлар Лигаси баҳсларидаги ўзининг 74-голини киритди.
Изоҳ (0)