3 сентябрь куни IFA 2014 кўргазмасида тақдим этилган Sony Xperia Z3 смартфони Тошкент шаҳридаги «Флешка» савдо мажмуасида 2 400 000 сўмдан сотила бошланди. Бу ҳақда «Пароль» нашри хабар берди.
Sony Xperia Z3 смартфонининг қалинлиги 7,3 миллиметр, оғирлиги эса 152 грамм. Смартфоннинг бошқа ўлчамлари 146×72 миллиметрни ташкил этади. Янги смартфон Xperia Z2 дизайнидан фарқли, унинг бурчаклари айлана шаклида.
Смартфон Xperia Z2 каби чанг ва сувга чидамлилик IP68 сертификатига эга. Унда 5,2 дюйм 1080×1920 пикселли дисплей, 3 Гб тезкор ва 16 ёки 32 Гб ички хотира, 2,5 ГГц частотага эга тўрт ядроли процессор, 3100 мА·соат қувватга эга батарея, Android 4.4 KitKat операцион тизими ўрнатилган.
Унинг асосий камераси З2 билан бир хил — 20,7 мегапикселли. Бироқ, Sony янги смартфон камераси устида яхши иш олиб борган ва у Xperia Z2’дан кўра яхшироқ ишлаб чиқилган. Унда каттароқ Эхмор РС камера сенсори ўрнатилган, шунингдек кенгроқ тасвирларни суратга олиш учун камера линзаси ҳам 25 мм кенгликка эга. Смартфонда бир вақтнинг ўзида иккита видео суратга олиш учун Face in, суратларни таҳрирлайдиган AR fun каби дастурлар мавжуд.
Sony Xperia Z3’нинг муҳим хусусиятларидан бири – уни Play Station 4 ўйин қурилмаси билан боғлаш мумкинлигидир. Бунинг натижасида ПS4 ўйинларини смартфоннинг 5,2 дюймли дисплейида ҳам ўйнайвериш мумкин бўлади.
Шунингдек, «Пароль» нашрида Sony Xperia Z3 гаджети ҳақида қуйидаги мақолаларни ўқишингиз мумкин:
- Сотувга чиқариладиган Sony Xperia Z3 смартфонининг барча рангли тури (фото);
- Sony Xperia Z3 смартфони ёрдамида олинган илк суратлар;
- Янги Sony Xperia Z3 смартфони сув остида қутисидан чиқарилиб, ишлатиб кўрилди (видео);
- Янги Sony Xperia Z3 смартфонини Coca-Cola ичимлигига ботириб қўйишди (видео);
- Sony Xperia Z3 смартфони билан сув сотида қандай тасвирга олиш ҳақида ўрганинг.
Изоҳ (0)