Samsung тўлиқ металл корпусли янги Galaxy A5 ва Galaxy A3 смартфонларини тақдим этди

Samsung компанияси ёшлар учун мўлжалланган янги Galaxy A5 ва Galaxy A3 смартфонларини тақдим этди. Бу ҳақда Phonearena.com маълумотига асосланиб «Пароль» нашри хабар берди.

Galaxy A5 смартфони 6,7 миллиметр, Galaxy A3 эса 6,9 миллиметр қалинликда. Иккала смартфон ҳам тўлиқ металл корпусга эга, шунингдек, улардаги 5 мегапикселли олд камера селфи суратлар олиш учун мўлжалланган.

Galaxy A5 смартфонида 5 дюйм 720×1280 пикселли Super AMOLED дисплей, 1,2 ГГц частотага эга тўрт ядроли процессор, 2 Гб тезкор ва 16 Гб ички хотира (+MicroSD), 13 мегапикселли орқа камера, 2300 мА·соат қувватга эга батарея ўрнатилган.

Galaxy A3 смартфонида 4,5 дюйм 540×960 пикселли Super AMOLED дисплей, А5 билан бир хил процессор, 1 Гб тезкор ва 16 Гб ички хотира (+MicroSD), 1900 мА·соат қувватга эга батарея ўрнатилган. Galaxy A5 ва А3 смартфонлари Android 4.4 KitKat операцион тизимида ишлайди.

Смартфонлар ноябрдан сотила бошланади. Аммо ҳозирча уларнинг нархи ҳақида маълумот берилмаган. Galaxy A5 ва А3 смартфонларининг суратларини «Пароль» нашрининг ушбу фотожамланмасида томоша қилсангиз бўлади.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Samsung Galaxy A смартфонларининг таништирув видеоролигини тақдим этди;
• HTC сурункали пастлашдан сўнг, 2014 йилнинг учинчи чорагини фойда билан якунлади;
• HP компанияси проекторли клавиатурага эга Sprout компьютерини тақдим этди (фото);