Рустам Қосимжонов Бокудаги ФИДЕ Гран-Присида дастлабки мағлубиятга учради

Озарбайжон пойтахти Боку шаҳрида шахмат бўйича нуфузли ФИДЕ Гран-Приси давом этмоқда. Кеча мусобақада 9-тур партиялари ўйналди. Мусобақада мағлубияциз одимлаб келган ҳамюртимиз айнан ушбу турда ютқазиб қўйди, деб хабар бермоқда «Olamsport».

Қора доналарда ҳаракат қилган Қосимжонов 23-юришдан кейиноқ мағлубиятини тан олишга мажбур бўлди. 10-тур олдидан Рустам 4,5 очко билан 7-ўринга пастлади. Лекин битта ғалаба уни кучли учликка яна қайтариши мумкин. Бугун 10-турда ҳамюртимиз оқ доналарда россиялик Александр Гришук билан муносабатларига ойдинлик киритиб олади.

9-тур натижалари

Хикару Накамура (АҚШ) – Рустам Қосимжонов (Ўзбекистон) 1:0

Шахрияр Мамадияров (Озарбайжон) – Борис Гелфанд (Исроил) 1:0

Теймур Ражабов (Озарбайжон) – Сергей Карякин (Россия) 0,5:0,5

Петр Свидлер (Россия) – Евгений Томашевский (Россия) 0,5:0,5

Дмитрий Андрейкин (Россия) – Ленер Домингес (Куба) 1:0

Фабиано Каруана (Италия) – Александр Гришук (Россия) 0:1

Турнир жадвалидаги ҳолат: Каруана, Накамура, Гелфанд, Карякин, Ражабов, Свидлер - 5 очкодан, Қосимжонов, Томашевский - 4,5 тадан, Гришук, Мамадияров, Андрейкин – 4 тадан, Домингес - 3.

10-тур жуфтликлари

Рустам Қосимжонов (Ўзбекистон) – Александр Гришук (Россия)

Ленер Домингес (Куба) – Фабиано Каруана (Италия)

Евгений Томашевский (Россия) – Дмитрий Андрейкин (Россия)

Сергей Карякин (Россия) – Петр Свидлер (Россия)

Борис Гелфанд (Исроил) – Теймур Раджабов (Озарбайжон)

Хикару Накамура (АҚШ) – Шахрияр Мамадияров (Озарбайжон).