Хоразм вилояти маъмурий маркази Урганч шаҳрида Lacetti автомобили ёниб кетди. Ҳодиса видеоёзуви Facebook ижтимоий тармоғидаги «Водители Ташкента» гуруҳида эълон қилинган, деб хабар бермоқда Kun.uz.
Воқеа қачон, Урганчнинг айнан қаерида, қандай ҳолатда содир бўлгани маълум эмас. Тахминларга кўра, автомобиль чорраҳада Spark автомобили билан тўқнашиб кетган ва шундан сўнг чиққан аланга ёнғинга айланиб кетган.
Видеоёзувда бир гуруҳ ҳайдовчилар чорраҳа ўртасида ёнаётган Lacetti’нинг олд қисмига ёпишиб турган Spark’ни оловдан сақлаб қолишга ҳаракат қилаётганини, Spark нисбатан узоқлаштирилганидан сўнг унинг орқа ғилдираги ёнаётганини кўриш мумкин.
Ушбу ҳолат бўйича маҳаллий нашрлар ва расмий манбаларда ахборот берилмаган.
Изоҳ (0)