iPhone 6 смартфонининг таннархи 200 долларлиги аниқланди

IHS тадқиқотчилари iPhone 6 смартфонида ишлатилган қисмлар нархини ҳисоблаб чиқди. Бу LookAtMe маълумотига асосланиб «Пароль» нашри хабар берди.

Унга кўра, iPhone 6 смартфонининг таннархи 200–247 доллар бўлса, iPhone 6 Plus’нинг таннархи эса 216–263 долларни ташкил этади. Бу нархлар гаджетнинг турли хил ички хотира турларига қараб ўзгаради. IHS тадқиқотчиларининг фикрича, iPhone 6’нинг таннархи iPhone 5s’дан кўра 5 доллар қиммат.

Қуйида iPhone 6 смартфонлари учун ишлатилган қисмларнинг нархлари билан танишишингиз мумкин:

• iPhone 6 дисплейи – 45 доллар;
• iPhone 6 Plus дисплейи – 52 доллар;
• Apple Pay тўлов тизимининг ишлашига хизмат қиладиган NFC чип – 22 доллар;
• А8 процессори ва М7 копроцессори – 20 доллар;
• 16 Гб хотира – 15 доллар;
• Камера – 11—13 доллар;
• Аккумулятор (батарея) – 4—5 доллар.

Эслатиб ўтамиз, iPhone 6 смартфони Apple Store интернет-дўконида 649–849 доллар, iPhone 6 Plus эса 749–949 доллардан сотилмоқда. Ўзбекситонда iPhone 6 смартфонининг 16 гигабайт хотирали тури 20 сентябрдан бошлаб 5,5 миллион сўм нархда сотила бошлаган.