Samsung Galaxy Note 4 тақдим этилишидан олдин, компания барча реклама ва видео-роликларни унинг S Pen (ручка) гаджетига боғлаган эди. Ва ниҳоят гаджет тақдим этилди ва S Pen ундаги асосий жиҳат бўлиб хизмат қилмоқда. Шу боис Samsung S Pen гаджетининг функциялари тасвирланган видео-роликни тақдим этди. Бу ҳақда Phonearena.com сайти маълумотига асосланиб «Пароль» нашри хабар берди.
Galaxy Note 4’даги S Pen гаджети билан қилинадиган ишлар Galaxy Note3’дагидан кўра икки баробар тезроқ амалга оширилади. Шунингдек, янги S Pen гаджетида компьютер сичқончасининг айрим функциялари ўрнатилган. Масалан, планшетофон дисплейидаги бир қанча нарсаларни бирдан белгилаш, уларни таҳрирлаш ёки бошқа жойга кўчириш мумкин.
Samsung Galaxy Note 4 октябрдан сотувга чиқарилиши кутилмоқда. Планшетофонининг техник хусусиятларини ўқишни ва суратларини томоша қилишни тавсия қиламиз.
Изоҳ (0)