Samsung компанияси Gear S ақлли соатидан ташқари бўйинда тақиб юриш мумкин бўлган Gear Circle номли қулоқчинларни ҳам тақдим этди. Бу ҳақда The Verge маълумотига асосланиб «Пароль» нашри хабар берди.
Gear Circle гаджетини Bluetooth ёрдамида смартфонга улаш ва унда мусиқа эшитиш, қўнғироқларга жавоб бериш ҳамда овозли буйруқларни амалга ошириш мумкин. Қўнғироқлар келганда қулоқчин вибрация билан фойдаланувчини огоҳлантиради.
Gear Circle’дан фойдаланилмаётган пайтда уни чўнтакка солиб қўйиш ёки тақинчоқ сифатида бўйинга тақиб юриш мумкин. Гаджетнинг қора, кўк ва оқ рангли турлари тақдим этилган бўлиб, октябрдан бошлаб бутун дунё бўйлаб сотила бошланади.
Samsung Gear Circle қулоқчинининг суратларини мана бу манба орқали томоша қилишингиз мумкин.
Изоҳ (0)