Samsung компанияси ўртача хусусиятларга эга смартфонларинининг тилла рангдаги турини ишлаб чиқармас эди. Бироқ Galaxy Grand 2 смартфонининг тилла рангли тури сотувга чиқади. Бу ҳақда Phonearena.com сайти маълумотига асосланиб «Пароль» нашри хабар берди.
Маълумотларга қараганда, январь ойида тақдим этилган Galaxy Grand 2 смартфони Samsung’нинг энг яхши сотилаётган самартфонларидан бири ҳисобланади.
Ҳозирда тилла рангли Galaxy Grand 2 смартфони Осиёнинг бир қанча давлатларида сотилмоқда ва яна бошқа Осиё давлатларида ҳам сотилиши кутилмоқда.
Эслатиб ўтамиз, Galaxy Grand 2 смартфонида 5,25 дюймли дисплей, 1,9 мегапикселли олд ва 8 мегапикселли орқа камера, 1,2 ГГц частотага эга тўрт ядроли Snapdragon 400 процессори, 1,5 Гб тезкор ва 8 Гб ички хотира (+MicroSD), Android 4.3 операцион тизими ўрнатилган.
Изоҳ (0)