Android’дан Windows Phone’га ўтказилган HTC One (M8) смартфонининг хусусиятлари ўзгармади

Windows Phone 8.1 операцион тизимида ишлайдиган HTC One (M8) смартфонини 21 августдан бошлаб Verizon орқали сотиб олиш мумкин бўлади. Бу ҳақда Phonearena.com сайти маълумотига асосланиб «Пароль» нашри хабар берди.

HTC One (M8) смартфони Android’дан Windows Phone операцион тизимига ўтказилиши ҳақида аввал хабар берган эдик. Смартфон бошқа операцион тизимга ўтказилди, бироқ хусусиятлари Android’да қандай бўлса, Windows Phone’да ҳам шундайлигича қолган.

Windows Phone 8.1 операцион тизимида ишлайдиган HTC One (M8) смартфонида 5 дюйм, 1080×1920 пикселли дисплей, 2,3 ГГц частотага эга Snapdragon 801 процессори, 2 Гб тезкор ва 32 Гб ички хотира (+128 Гб MicroSD), 5 мегапикселли олд камера, 2600 мА·соат қувватга эга батарея ўрнатилган.