Хитой бозорида янги Lumia 530 смартфонининг сотуви бошланди. Бу ҳақда Phonearena.com сайти маълумотига асосланиб «Пароль» нашри хабар берди.
Microsoft-Nokia компаниясининг янги смартфони аввалги Lumia 520 ва Lumia 525 смартфонларидан анча кичикроқ. Шунингдек, у компаниянинг энг арзон Windows Phone операцион тизимида ишлайдиган смартфони бўлди.
Қурилмада 4 дюйм, 480×854 пикселли дисплей, 1,2 ГГц частотага эга Snapdragon тўрт ядроли процессори, 512 Мб тезкор ва 4 Гб ички хотира (+MicroSD), 5 мегапикселли камера, 1430 мА·соат қувватга эга батарея ва Windows Phone 8.1 операцион тизими ўрнатилган.
Хитойда Lumia 530 смартфони 97 доллардан сотилмоқда. Смартфон арзонлиги сабаб у анча оммалашиши кутилмоқда. Буни Lumia 530 ҳақидаги реклама ролигидан ҳам кўриш мумкин.
Изоҳ (0)