HTC One (М8) смартфонида Android’дан воз кечиб, Windows Phone операцион тизимига ўтган бўлиши мумкин. Бу ҳақда TechCrunch маълумотига асосланиб «Пароль» нашри хабар берди.
Verizon серверларидан топилган суратда Windows Phone операцион тизимида ишлаётган HTC One (М8) смартфонини кўриш мумкин. Шунингдек сурат номи ҳам «HTC_М8_Windows» бўлган.
Ҳозирча HTC энг яхши Android смартфонини янги операцион тизимга ўтказгани ҳақида ҳеч қандай расмий хабар йўқ.
Шунингдек, 19 август куни HTC компаниясининг пресс-конференцияси бўлиб ўтиши режалаштирилган. Бу анжумандан нима ҳақида сўз бориши ҳақида маълумот берилмаган.
Изоҳ (0)