Reddit — онлайн муҳокамалар сайтига бир ой аввал TweekTheGeek номли аъзо Samsung Galaxy S4 смартфони ёниб кетгани, Samsung унга қурилмани янгилаб беришни ваъда қилгани, бироқ шундан сўнг унинг компанияга қилган мурожаатлари беэътибор қолаётгани ҳақида ёзган. Бу ҳақда NDTV.com сайти маълумотига асосланиб «Пароль» нашри хабар берди.
Ёниб кетган Galaxy S4 смартфонининг imgur.com сайтига юкланган суратларидан кўриш мумкинки, смартфоннинг фақатгина зарядлаш қисми эриган ва ёнган, шунингдек ёниш зарядлагичга ҳам таъсир қилган. TweekTheGeek никли жабрдийданинг таъкидлашича, у смартфоннинг ўзи билан сотиб олинган батарея ва зарядлагичдан фойдаланган.
Кейинчалик бу хабарга HTC компанияси менежери, Reddit сайтидаги Jetleigh номли аъзо эътибор берган ва жабрдийдага янги HTC One M8 смартфонини таклиф қилган.
Таклифнинг шартига кўра, агар Samsung ёнган смартфон ўрнига янгисини жўнаца, йигит уни қабул қилмаслиги, сотиб юбориши ёки бирор жойга тақдим этиши керак бўлади. Йигит эса бунга рози бўлган.
Эслатиб ўтамиз, яқиндагина 13 ёшли қизнинг ёстиғи остидаги Samsung Galaxy S4 смартфони ёниб кетган эди. Samsung компанияси эса ёнган смартфон ва хона буюмларини янгисига алмаштириб беришни ваъда қилган.
Изоҳ (0)