Бу қурилма UPS – Uninterruptable Power Supply (узлуксиз қувват етказувчи) дея номланади ва у кўпчиликка таниш. У электр таъминоти узилиб қолган пайтда электрон қурилмаларни маълум муддат электр токи билан таъминлаб тура олади.
Одатда UPS қурилмалари оғир ва қиммат бўлади. Асосан улардан уй компьютерлари ўчиб қолмаслиги учун фойдаланилади.
APC тақдим этган Back-UPS connect 70 қурилмаси эса арзон ва кичкина. Унинг нархи 50 доллар бўлиб, мобил электрон қурилмалар (ноутбук, планшет, смартфон ёки модем) учун мос келади. Бу ҳақда Gizmodo сайти хабар берди.
Агар электр таъминоти ўчиб қолса, қурилма модем ёки рутерни уч ярим соат давомида электр токи билан таъминлаб тура олади. Бу вақт мобайнида элеcтрон қурилма ёрдамида қилаётган ишингизни якунлаб олишингиз ёки уни бошқа жойга кўчириб қўйиш имконига эга бўласиз.
Изоҳ (0)