Лионель Месси футбол бўйича Аргентина терма жамоаси сафида ўтказган ўйинлари сони бўйича бошқа бир афсонавий аргентиналик — Диего Марадонани ортда қолдирди, деб ёзади «Кун» МистерЧипинг твиттери маълумотига асосланиб.
Голландияга қарши ЖЧ — 2014 ярим финал ўйинида асосий таркибда майдонга тушган Лионель Месси учун бу Аргентина либосидаги 92-ўйин бўлди. Марадона эса Аргентина терма жамоаси сафида 91 учрашувда майдонга тушган.
Хабар беришларича, Лионель Месси Аргентина терма жамоаси сафида майдонга тушган футболчилар рейтингида олтинчи ўринга кўтарилиб олди.
Эслатиб ўтамиз, Аргентина ва Голландия терма жамоалари ўртасидаги ўйинда Жанубий Америка вакиллари пеналтилар сериясида ғалаба қозонди.
Аргентина ва Германия терма жамоалари ўртасидаги ЖЧ — 2014 финал учрашуви Тошкент вақти билан 14 июлга ўтар кечаси 0:00да бошланади.
Изоҳ (0)