Google ўзининг Google Play Movies лойиҳасини Ўзбекистонга фойдаланиш учун очди, деб ёзади «Кун» iLike.uz маълумотига асосланиб.
2014 йилнинг март ойида Google Play Movies’да фойдаланиш ҳуқуқи 40 та мамлакатга берилган эди, 20 июнь куни яна 21 та мамлакат фойдаланувчилари сервисдан фойдаланиш имконига эга бўлди.
Ўзбекистондан ташқари, Google Play Movies Марказий Осиё ва Кавказнинг бошқа мамлакатлари – Арманистон, Озарбайжон, Қозоғистон, Қирғизистон, Туркманистон ва Тожикистон учун ҳам очилган.
Сервисдан Android ва iOS смартфонлар орқали фойдаланиш учун Play Movies илова-дастурини ўрнатиб олиш керак, компьютер ва бошқа операцион тизимдаги смартфонларда эса бевосита браузерда кўриш мумкин.
Изоҳ (0)