Beeline алоқа оператори «Одноклассники» ижтимоий тармоғидаги саҳифасида футбол бўйича жаҳон чемпионатига бағишланган «Ажойиб футбол» танловини ўтказмоқда. Дунё биринчилиги давомида 12 июндан 13 июлгача ҳар куни саҳифа фойдаланувчиларига мусобақаларнинг ҳисобини топиш таклиф қилинади. Биринчи бўлиб учрашув натижасини топган иштирокчи Beeline Uzbekistan’дан эксклюзив ишқибозлар футболкасини қўлга киритади, деб хабар бермоқда компания матбуот хизмати.
«Биз футбол ишқибозлари учун ‘Ажойиб футбол’ номли навбатдаги қизиқарли танлов ўтказмоқчимиз,— дейди компаниянинг матбуот котиби Юлия Мелентева. — ‘Одноклассники’даги фойдаланувчиларимиз сони ярим миллиондан ортиқ, энг асосийси, совринлар сони Жаҳон Кубогининг мусобақалари сонига тенг».
Жавоб вариантлари «Одноклассники»даги Beeline Uzbekistan саҳифасида соат 10:00 дан 18:00 гача қабул қилинади.
Изоҳ (0)