Бугун, 27 май куни бўлиб ўтадиган Ўзбекистон—Уммон термалари ўртасида ўртоқлик учрашуви «Спорт» телеканали орқали тўғридан-тўғри эфирга узатилмайди. Бу ҳақда Ўзбекистон футбол федерацияси матбуот хизмати вакили Санжар Ризаев Twitter’даги саҳифасида ёзиб қолдирган, деб маълум қилди Uff.uz.
«Диққат! Олмалиқда ўтказиладиган Ўзбекистон—Уммон ўртоқлик учрашувини «Спорт» телеканали жонли кўрсатмайди. «Машъал» радиосида жонли репортаж бор. Олмалиқдаги Ўзбекистон—Уммон ўртоқлик учрашуви ёзиб олинган ҳолда 21:30 дан бошлаб «Спорт» каналида кўрсатилади», — деб ёзади Санжар Ризаев.
Диққат! Олмалиқда ўтказиладиган Ўзбекистон - Уммон ўртоқлик учрашувини Спорт ТВ жонли кўрсатмайди. “Машъал” радиосида жонли репортаж бор.
— Sanjar Rizayev (@sanjarrizayev) May 27, 2014
Таъкидлаш жоиз, Ўзбекистон миллий телерадиокомпанияси сайтида ушбу ўйин бошланадиган вақтда, яъни 18:55 да эфирга узатилиши қайд этилган.
«Спорт» телеканалидаги манбамиз маълумотига кўра, канал ушбу учрашувни ёзиб олинган ҳолда бугун, 27 май куни соат 21:55 да намойиш этади. Жонли эфир узатилмаслиги сабаби ошкор этилмаяпти.
Изоҳ (0)