«Тошшаҳартрансхизмат» акциядорлик компаниясининг марказий диспетчерлик хизматида қисқа — 1062 рақами билан янги ишонч телефони ишга тушди. Бу ҳақда Gazeta.uz хабар берди.
Ушбу рақам орқали шаҳар йўловчи транспорти фаолияти бўйича таклиф ёки шикоят қолдириш мумкин. Бундан ташқари, 1062 рақами ёрдамида худди аввалгидек, такси буюртма қилиш мумкин.
Эслатиб ўтамиз, 2013 йил октябрь ойида Ўзбекистон Президенти Ислом Каримов Тошкентда йўловчи транспортини ташкил этиш тизимини такомиллаштириш бўйича чора-тадбирларни тасдиқлади. «Тошшаҳартрансхизмат» уюшмаси тугатилиб, унинг базасида шу номдаги акциядорлик компанияси тузилган эди.