Munosib qarshilik, asabiy kechgan o‘yin va bahs taqdirini hal qilgan penalti: “Navbahor” va “Xorazm” o‘yinidan fotogalereya
O‘zbekiston Superligasining 9-turidan o‘rin olgan bahsda Namanganning “Navbahor” jamoasi o‘z maydonida “Xorazm”ni qabul qildi.
Mehmonlar uzoq yillik tanaffusdan so‘ng Superligaga qaytgan bo‘lsa ham, joriy mavsumda yaxshi o‘yin namoyish etib, yetakchi jamoalarga munosib qarshilik ko‘rsatayotgan va mazkur uchrashuv ham bundan mustasno bo‘lmasligi taxmin qilingandi.
Kutilganidek, Hakim Fuzaylov shogirdlari mezbonlarga munosib qarshilik ko‘rsatishga intildi va o‘yin keskin kurashlar ostida kechdi. O‘yinchilar o‘rtasida to‘qnashuvlar va dahanaki bahslar ko‘p bo‘ldi. Uchrashuv taqdirini esa yagona gol hal etdi.
Mazkur gol uchrashuvning 50-daqiqasida mehmonlar darvozasiga belgilangan 11 metrli jarima zarbasidan so‘ng urildi. Penalti esa Sergey Lushan shogirdlarining navbatdagi hujumi paytida “Xorazm” darvozaboni Sardor Qobuljanov o‘z jarima maydonchasi ichida Ruslanbek Jiyanovga nisbatan qo‘pollik ishlatgani uchun belgilandi.
O‘n bir metrli jarima zarbasini “Navbahor”ning tajribali hujumchisi Zabihillo O‘rinboyev aniq amalga oshirdi va ushbu gol “lochinlar”ga g‘alaba keltirdi.
“Daryo” “Navbahor” va “Xorazm” jamoalari o‘rtasidagi o‘yindan fotogalereya tayyorladi.
Fotolar muallifi: Oqilxon Mamajonov.
-
27.07.2020, 14:21 -
01.04.2021, 19:02 -
18.08.2021, 11:26 -
14.10.2021, 21:02 -
26.11.2022, 18:01 -
26.11.2022, 20:34 -
21.02.2023, 19:46 -
22.03.2024, 12:04 -
04.07.2024, 23:51 -
15.08.2024, 23:03 -
24.08.2024, 15:32 -
25.09.2024, 14:05 -
1 fevral, 18:55 -
26 fevral, 19:54 -
6 mart, 13:20 -
9 mart, 15:28 -
10 mart, 11:34 -
20 mart, 15:59 -
25 mart, 12:16 -
28 mart, 21:40 -
29 mart, 16:10 -
3 aprel, 21:55 -
5 aprel, 21:44 -
6 aprel, 15:17 -
11 aprel, 20:55 -
11 aprel, 22:24 -
12 aprel, 22:39 -
10 may, 10:10 -
11 may, 20:09
