O‘zbekiston Superligasi 9-turi doirasidagi “Navbahor” — “Xorazm” bahsi yakuniga yetdi. Qiziqarli va keskin kurashlar ostida kechgan uchrashuvda namanganliklar minimal hisobda g‘alaba qozondi.
Foto: “Navbahor” matbuot xizmati
Uchrashuvning dastlabki bo‘limida hisob ochilmadi, lekin ikkinchi taymda “Navbahor” “Xorazm” darvozasini ishg‘ol qildi. 50-daqiqada Zabihillo O‘rinboyev penaltidan gol kiritib, jamoasini hisobda oldinga olib chiqdi.
Mazkur hisob uchrashuv oxirigacha o‘zgarmadi va Sergey Lushchan jamoasi hisobiga 3 ochko yozdirib qo‘ydi. Qo‘lga kiritilgan g‘alabadan keyin “Navbahor” hisobidagi ochkolar soni 14 taga yetdi va turnir jadvalida 6-o‘ringa chiqib oldi. “Xorazm” esa 8 ochko bilan 13-pog‘onani band etgan.
