“Vodiy derbisi”, yubiley goli va mezbonlarning irodali g‘alabasi: “Neftchi” va “Navbahor” o‘yinidan fotogalereya
O‘zbekiston Superligasining 4-turidan o‘rin olgan bahsda Namanganning “Navbahor” jamoasi safarda “Neftchi” mehmoni bo‘ldi. Ilk daqiqalaridan keskin kurashlar ostida boshlangan bahsning 30-daqiqasida Sergey Lushan shogirdlari darvozadan 30 metrlar chamasi uzoqlikda jarima zarbasi tepish huquqini qo‘lga kiritdi. “Navbahor” sardori Azim Ahmedov kuchli zarba bilan to‘pni darvozaga “mixlab” qo‘ydi hamda “lochinlar”ning tanaffusga 1:0 hisobidagi ustunlik bilan chiqib ketishlarini taʼminladi. Ahmedov shu tariqa jamoasining yubiley – 1550-golini urdi.
Ikkinchi bo‘limning ilk daqiqalarida muxlislar ikki golga guvoh bo‘ldi. 48-daqiqada Ikromjon Aliboyevning “Navbahor” jarima maydonchasi ichiga oshirgan to‘pini Bilolxon Toshmirzayev darvozaga aniq yo‘llab, hisobni tenglashtirgan bo‘lsa, oradan bir daqiqa o‘tar-o‘tmas, namanganliklar yana hisobda oldinga chiqib oldi.
Braziliyalik hujumchi Augusto Pedro to‘pni boshi bilan jamoadoshi Ruslanbek Jiyanovga yetkazib berdi. “Neftchi” darvozaboni Eldorbek Suyunov bilan yakkama-yakka vaziyatga chiqqan Jiyanov to‘pni Suyunovning oyoqlari orasidan o‘tkazib, darvozaga aniq yo‘lladi – 1:2.
Hisobda ortda borayotgan Vitaliy Levchenko shogirdlari muvozanatni tiklash maqsadida hujumni kuchaytirdi. Maydon egalarining 64-daqiqadagi hujumidan so‘ng hisob tenglashdi. “Yo‘lbars”larning serbiyalik hujumchisi Zoran Marushich “Navbahor” darvozaboni Shukron Yo‘ldoshev bilan yakkama-yakka vaziyatda qolib, to‘pni darvozaga aniq yo‘lladi – 2:2.
Uchrashuvning 72-daqiqasida mezbonlarning navbatdagi hujumidan so‘ng yana Zoran Marushich jarima maydonchasi tashqarisidan kuchli va aniq zarba yo‘llab, yakuniy hisobning 3:2 ko‘rinish olishini taʼminladi.
“Daryo” “Neftchi” va “Navbahor” jamoalari o‘rtasidagi o‘yindan fotogalereya tayyorladi.
Fotolar muallifi: Oqilxon Mamajonov
-
28.06.2024, 10:14 -
02.07.2024, 17:00 -
03.07.2024, 17:11 -
25.07.2024, 14:35 -
21.08.2024, 20:46 -
20.10.2024, 16:59 -
20.10.2024, 20:08 -
30.10.2024, 16:49 -
30.11.2024, 17:45 -
03.12.2024, 12:03 -
21.12.2024, 21:25 -
24.12.2024, 11:56 -
26.12.2024, 21:40 -
29.12.2024, 14:15 -
16 yanvar, 12:40 -
1 fevral, 18:55 -
6 fevral, 21:55 -
26 fevral, 19:54 -
6 mart, 13:20 -
9 mart, 15:28 -
10 mart, 11:34 -
10 mart, 14:49 -
10 mart, 22:00 -
16 mart, 22:04 -
17 mart, 10:36 -
20 mart, 15:59 -
25 mart, 12:16 -
28 mart, 21:40 -
29 mart, 16:10 -
3 aprel, 21:55 -
5 aprel, 21:44
