Demi Mur, Timoti Shalame va Mayli Sayrus Los Anjelesdagi “Shon-sharaf xiyoboni”da yulduzlarga ega bo‘ladi. Bu haqda Hollywood Reporter xabar berdi.
Ulardan tashqari, 2026-yilda Gollivud bulvarida yulduzlarni qo‘lga kiritishi mumkin bo‘lgan mashhurlar ro‘yxatiga 33 kishi kiritilgan. Taniqli shaxslar “Kino”, “Televideniye”, “Teatr yoki jonli ijro”, “Radio”, “Ovoz yozish” va “Sport o‘yinlari” toifalarida tanlab olindi.
Shuningdek Los Anjelesdagi “Shon-sharaf xiyoboni” yulduzlariga, aktyorlar Rami Malek, Stenli Tuchchi, Emili Blant hamda Reychel MakAdams, oshpaz va teleboshlovchi Gordon Ramzilar ham loyiq deb topildi. “Sport ko‘ngilochar” toifasidagi yagona mashhur esa Shakil O’Nil bo‘ldi.
Mayli Sayrus ijtimoiy tarmoqlardagi sahifalarida ushbu xabarga munosabat bildirdi. “Bu afsonaviy xiyobonda, meni ilhomlantirgan ikonalar qurshovida iz qoldirish shunchaki orzudek tuyulardi. Bu lahza qalbimda abadiy yashaydi. Hayotimdagi bu imkoniyatni yaratgan barcha insonlarga minnatdorlik bildiraman”, deb yozadi xonanda.
Izoh (0)