Kataloniyaning “Barselona” klubi Daniyaning “Kopengagen” jamoasida to‘p tepadigan hujumchi Runi Barjining transferini rasman e’lon qildi. Klub rasmiy saytining xabar berishicha, “ko‘k-anorranglilar” 19 yoshli shvetsiyalik futbolchi bilan 2029-yilgacha amal qiladigan shartnoma imzolagan.
19 yoshda bo‘lishiga qaramay, Barji o‘ng qanot hujum chizig‘ida o‘zining texnikasi, tezligi va gol urish qobiliyati bilan tanilgan. Bu sifatlar uni kelajakdagi eng istiqbolli futbolchilardan biriga aylantiradi, — deyiladi “Barselona” rasmiy bayonotida.
Ma’lumot uchun, Runi Barji “Kopengagen” safida Daniya Superligasining 2024/25-yilgi mavsumi doirasidagi 5 ta o‘yinda maydonga tushgan. Shuningdek, u mamlakat kubogida ham bitta uchrashuvda ishtirok etgan. U “Kopengagen” jamoasi bilan uch marta Daniya chempioni bo‘lgan, shuningdek, ikki bor mamlakat kubogini qo‘lga kiritgan. Transfermarkt portali futbolchining qiymatini 7,5 million yevroga baholagan.
Izoh (0)