“Real Madrid” chap qanot himoyachisi Fran Garsiyaga Italiyaning “Milan” klubi jiddiy qiziqish bildirmoqda. Bu haqda AS nashri xabar berdi.
Manbaga ko‘ra, Garsiya Saudiya Arabistonining “Al-Hilol” klubiga o‘tgan Teo Ernandes o‘rnini egallashi mumkin. Milanliklar ushbu pozitsiya uchun munosib nomzod qidirmoqda. Jamoa rahbariyatining fikricha, ispaniyalik himoyachi “rossonerilar” orqa chizig‘ini kuchaytirish uchun mos futbolchi hisoblanadi.
Shuningdek, Madrid klubi Lissabonning “Benfika” jamoasidan Alvaro Karrerasni o‘z safiga qo‘shib olishi kutilmoqda. Ushbu transferdan so‘ng Garsiyaning asosiy tarkibda o‘ynash imkoniyatlari cheklanib qolishi mumkin. Shu bois uning boshqa jamoaga o‘tishi ehtimoli bor.
Ma’lumot uchun, 25 yoshli Fran Garsiya o‘tgan mavsum La Liga doirasidagi 31 o‘yinida maydonga tushib, 2 ta golli uzatma muallifiga aylangan. Transfermarkt portali uning qiymatini 18 million yevroga baholagan.
Izoh (0)