Saudiya Arabistonining “An-Nassr” hamda Portugaliya terma jamoasi hujumchisi Krishtianu Ronaldu yangi mavsumda ko‘plab o‘yinlarni o‘tkazib yuborishi mumkin. Bu haqda saudiyalik jurnalist Faloh Al-Qahdoniy o‘zining ijtimoiy tarmoq sahifasida xabar berdi.
Manbaga ko‘ra, 40 yoshli futbolchi “An-Nassr” bosh murabbiyi Xorxe Jezush bilan suhbat o‘tkazgan. Uchrashuv davomida ular Ronaldu salomatligini asrash maqsadida kam ahamiyatga ega o‘yinlarda uni maydonga tushirmaslikka kelishib olishgan.
Yoshini inobatga olgan holda, futbolchi va murabbiy uning yuklamalarini ehtiyotkorlik bilan nazorat qilish zarurligini ta’kidlaganlar. O‘tgan mavsumda Ronaldu bir necha o‘yinlarni charchoq va mushak zo‘riqishi sababli o‘tkazib yuborgan edi. Yangi mavsumda shunga o‘xshash holatlarning oldini olish maqsadida Krishtianu jamoaning kamida 25 foiz o‘yinlarida qatnashmaslikka rozi bo‘lgan. Bu qaror ayniqsa 2026-yilgi Jahon chempionatiga optimal holatda borishga yordam beradi.
Ma’lumot uchun, Saudiya Proligasi 2025/26 yilgi mavsumiga 21-avgust kuni start beriladi.
Izoh (0)