39 yoshli xorvatiyalik yarim himoyachi Luka Modrich “Milan” klubi bilan shartnoma imzolash arafasida turibdi. Futbolchi allaqachon Italiyaga yetib kelgan.
Modrich Milanga kelganidan so‘ng klubning ijtimoiy tarmoqlardagi sahifasi orqali jamoa muxlislariga qisqa videomurojaat yo‘lladi:
Hammaga salom! Men hozirgina Milanga yetib keldim. Bu yerda bo‘lishdan va faoliyatimda yangi bosqichni boshlashdan juda xursandman. Hammangizni yaxshi ko‘raman, — dedi tajribali futbolchi.
OAV xabarlariga ko‘ra, Modrich “rossonerilar” bilan 2026-yilning yoziga qadar mo‘ljallangan shartnomaga imzo chekadi. Unda bitimni bir mavsumga uzaytirish imkoniyati ham mavjud. Uning “Milan”dagi yillik maoshi 3–3,5 million yevroni tashkil qilishi mumkin. Futbolchi erkin agent sifatida Italiya klubi safiga qo‘shiladi.
Ma’lumot uchun, Luka 13 yil davomida Madridning “Real” klubi sharafini himoya qilgan. Futbolchining “qaymoqranglilar” bilan shartnomasi 2025-yilning 14-iyul kuni yakuniga yetdi. U madridliklar safida 597 ta uchrashuvda maydonga tushib, 43 ta gol va 93 ta assist muallifiga aylangan.
Izoh (0)