Kataloniyaning “Barselona” klubi yozgi transfer oynasida “Liverpul” vingeri Luis Diasni qo‘lga kiritishga harakat qilmoqda. Bu haqda Ispaniyaning Mundo Deportivo nashri xabar berdi.
28 yoshli kolumbiyalik futbolchi “ko‘k-anorranglilar”ning asosiy transfer maqsadlaridan biri bo‘lib turibdi. Biroq klub moliyaviy cheklovlar sababli bu transferni amalga oshirishda jiddiy qiyinchiliklarga duch kelmoqda.
Manbaga ko‘ra, “Barselona” rahbariyati “Liverpul” “Real” futbolchisi Rodrigo Goesga qiziqish bildirayotganidan yaxshi xabardor. Kataloniyaliklar hisob-kitobiga ko‘ra, agar “qizillar” Rodrigo transferini amalga oshirmoqchi bo‘lsa, avval jamoadan ba’zi futbolchilarni sotishga majbur bo‘ladi. Shu sababli, “Barselona” Luis Dias bo‘yicha narx tushirilishiga umid qilmoqda.
Luis Dias 2022-yil yanvarida “Liverpul” tarkibiga qo‘shilgan va jamoaning asosiy hujumchilaridan biri hisoblanadi. Uning klub bilan amaldagi shartnomasi 2027-yil yozigacha mo‘ljallangan. Transfermarkt portali futbolchining qiymatini 70 million yevroga baholamoqda.
Izoh (0)