30-iyul kuni Xitoyning Chjeszyan provinsiyasining Chjoushan shahrida bo‘lib o‘tgan sud majlisida 90 yoshli ona o‘g‘lini himoya qilib chiqdi. Buning uchun u bir necha oy davomida huquq asoslarini mustaqil o‘rgandi, deb xabar berdi South China Morning Post.
Shahar prokuraturasi ma’lumotlariga ko‘ra, 57 yoshli Lin ismli ayblanuvchi Xuang ismli mahalliy tadbirkordan 1,17 milliard yuan (taxminan 16 million dollar) miqdorda pul undirishda ayblanib, 2023-yil aprel oyida hibsga olingan.
Xuang 2009-yilga ko‘ra, Xitoyning 100 nafar eng badavlat shaxslari ro‘yxatiga kirgan va uning boyligi 8 milliard yuan (1,1 milliard AQSH dollari)ni tashkil qilgan.
Lin va Xuang gaz ishlab chiqarish sohasida hamkorlik qilgan, ammo Xuang ko‘pincha to‘lovlarni kechiktirgan. Natijada Linga tegishli zavod katta zarar ko‘rgan va yopilib ketgan.
2014-yildan 2017-yilgacha Lin va uning buxgalteri Xuangning soliqqa oid noqonuniy amallarini fosh qilish bilan tahdid qilib, undan jami 1,17 milliard yuan undirgan. So‘ng 2023-yil boshida Xuan Linni tovlamachilikda ayblab, politsiyaga murojaat qilgan.
O‘g‘li Linni juda sog‘ingan Xe familiyali ayol o‘tgan yilning ikkinchi yarmida uni sudda shaxsan himoya qilishga qaror qilgan. Oilasi uning qaroriga qarshi chiqishiga qaramay, Xe xonim jinoyat huquqi va jinoyat-protsessual huquq bo‘yicha kitoblar sotib olib, mustaqil o‘rgana boshlagan. Shuningdek, u har kuni sudga borib, shunga o‘xshash ishlarning hujjatlari bilan tanishgan.
Ammo sud zaliga kishanlangan qo‘li birlab kirib kelgan o‘g‘lini ko‘rgan ayol o‘zini yomon his qila boshlagan va kasalxonaga olib ketishi lozim bo‘lgan, lekin sog‘lig‘i yomonlashganiga qaramay, Xe sud zalini tark etishdan bosh tortgan.
Hozirda Chjoushan shahridagi sud jarayoni davom etmoqda.
Izoh (0)