Saudiya Arabistonining “uyqudagi shahzodasi” vafot etdi. U 20 yil koma holatida saqlangan.
Achinarli qismati sabab “Uyqudagi shahzoda” nomi bilan tanilgan Alvalid bin Xolid bin Talal al Saud og‘ir yo‘l-transport hodisasi sabab koma holatiga tushib qolgan. U 1990-yili tug‘ilgan bo‘lib, shahzoda Xolid bin Talal al Saudning to‘ng‘ich o‘g‘li, milliarder shahzoda Alvalid bin Talalning esa jiyani edi.
Shahzoda London harbiy litseyida tahsil olayotganda 2005-yili yo‘l-transport hodisasiga uchrab, bosh miya jarohati va ichki qon ketishidan aziyat chekkan. O‘shanda u atigi 15 yosh edi. Shoshilinch tibbiy yordam, AQSH va Ispaniyaning eng yaxshi mutaxassislari tomonidan ko‘rsatilgan yordamga qaramay, shahzoda hushiga kelmagan.
U komada 20 yildan ziyod yotdi. Biroq vaqti-vaqti bilan kuzatib turiladigan beixtiyor harakatlar oilada umid uyg‘otardi. Shahzodaning otasi Xolid bin Talal o‘g‘lining hayotini uzaytirish vositalarini olib tashlash haqidagi takliflarni qat’iyan rad etib, farzandining sog‘ayishidan umid uzmadi.
Shahzodaning vafoti haqidagi xabar yashin tezligidan tarqaldi. Tarmoqlarda oilaga hamdardlik bildirilib, “Uyqudagi shahzoda” (#SleepingPrince) xeshtegi ommalashtirildi.
Izoh (0)